Giklaro sa Iran nga wala pay pinal nga desisyon bahin sa gitanyag nga US-brokered deal aron tapuson ang tensyon sa Middle East, taliwala sa pag-angkon ni US President Donald Trump nga hapit na kini mapirmahan.
Matud sa tigpamaba sa Iranian foreign ministry nga si Esmaeil Baqaei, bisan pa sa pipila ka bahin nga nagkasinabtanay na, nababagan ang negosasyon tungod sa mga bag-ong kondisyon nga gihatag sa Estados Unidos, samtang gipasidan-an usab ang publiko nga dili basta motuo sa pahayag ni Trump hangtod dili kini kumpirmado sa Tehran.
Samtang nagpadayon ang diskusyon tali sa US ug Israel kalabot sa pagpapas sa nuclear ug missile capabilities sa Iran, nagpabilin ang kabalaka sa internasyonal nga komunidad tungod sa hulga sa seguridad sa Strait of Hormuz ug ang hinay nga dagan sa paningkamot alang sa malungtarong kalinaw sa rehiyon.