Nabawi sa mga otoridad ang dos kilos sa gituohang shabu atol sa usa ka operasyon sa Barangay Puerto, dakbayan sa Cagayan de Oro kagahapung adlawa.
Base sa impormasyon gikan sa Police Regional Office-10, ang nasangpit nga ilegal nga droga nagkantidad sa ₱13.8 milyones. Matud ni Police Major Joann Navarro, tigpamaba sa PRO-10, ang duha ka dinakpan pulos residente sa Misamis Oriental nga maoy nagpayuhot sa gidili nga droga.
Sa pagkakaron, nakustodiya sa kapulisan ang mga suspek ug ang mganakumpiskang ebidensya alang sa tukmang disposisyon lakip na ang pagpasaka sa kasong pagsupak sa Comprehensive Dangerous Drugs Act of 2002.
Dugang pa ni Navarro nga ang maong lakang kabahin sa mas gipalig-on nga kampaya batok sa mga illega nga droga. Giisip usab kini nga usa ka dakong kalampusan alang sa atong kapulisan.