Gitapos na ni coach Tab Baldwin ang iyang pagpakahilom pinaagi sa pagpangayo og kinasingkasing nga pasaylo human sa trahedya nga mikalas sa kinabuhi sa duha ka atleta sa Ateneo Blue Eagles nga sila si Rene Baterbonia ug Divine Adili atol sa ilang team-building sa Aurora.
Sa usa ka walo ka minutos nga video nga gi-post sa opisyal nga Facebook page sa Ateneo de Manila University, giangkon ni Baldwin ang iyang dakong pagbasol ug kapakyasan sa pagprotekta sa kaayuhan sa mga batan-on nga gipiyal sa mga pamilya niini ngadto kaniya.
Gipatin-aw sa coach nga nalumos ang duha samtang naghimo og routine training run sa usa ka resort sa Dipaculao.
Gipasabot usab niini nga gihimo sa coaching staff ug sa uban pang mga magdudula ang tanang pamaagi aron maluwas ang duha sa dihang namatikdan nga naabot na sila sa lawom ug delikado nga bahin sa dagat, apan subo nga wala na kini nahimo.