Laumang ipatuman sa 2026 ang Qualified Domestic Minimum Top-Up Tax kon (QDMTT), ang usa ka dakong lakang sa Bureau of Internal Revenue (BIR) ug Department of Finance (DOF) ubos sa global tax reform sa OECD.
Kini nga balaod mag-obligar sa mga dagkong multinational companies nga nag-operar dinhi sa Pilipinas nga mobayad og minimum nga 15 porsyento nga buhis sa ilang global income; kon mas ubos pa niini ang ilang nabayad, ang Pilipinas na ang mopuno o mosingil sa gitawag nga “top-up tax.”
Sa pagkakaron, padayon ang pagpangandam sa gobyerno sa mga gikinahanglang patakaran, reporting system, ug audit procedures, lakip na ang pagbansay sa mga personnel sa BIR aron masiguro ang hapsay nga implementasyon niini.
Sumala sa DOF, daghang multinational firms ang lagmit mas mopili na lang nga sa Pilipinas mobayad aron kalikayan ang komplikadong international tax rules.
Gibanabana nga ang nasud makatigom og kapin P48 hangtod P60 bilyones matag tuig pinaagi niini nga inisyatibo. Ang nag-unang tumong sa maong lakang mao ang pagpanalipod sa tax base sa nasud ug pagsiguro nga ang ganansya nga nakuha gikan sa pagnegosyo dinhi sa Pilipinas, dinhi usab mabuhisan.