Misaka na sa kapin 400 ka mga gasolinahan sa tibuok nasud ang nagsirado sumala sa natala sa Philippine National Police taliwala sa padayon nga pagsaka sa presyo sa krudo ug produktong petrolyo.
Sumala sa tigpamababa sa Philippine National Police (PNP) ug Public Information Office Chief PBGen. Randulf Tuaño, halos nadoble na ang ihap gikan sa kapin 270 ka gas stations nga nagsira sa miaging semana.
Sa datos, labaw sa 14,300 ka mga gasolinahan ang padayon nga ginabantayan sa kapulisan aron mapugngan ang posibleng profiteering ug hoarding.
Kauban ang Department of Energy, gisusi na usab sa mga otoridad ang hinungdan sa pagsira sa ubang gasolinahan aron masiguro nga walay pag-abuso o pagtago sa suplay.
Samtang, napasakaan na og kaso ang tulo ka indibidwal tungod sa iligal nga pagbaligya sa lana, hoarding, ug profiteering nga natala sa Nueva Vizcaya, Eastern Samar, ug Albay.