Gi-akusahan sa kampo ni kanhing Presidente Rodrigo Duterte si Presidente Ferdinand Marcos Jr. nga mao ang nangulo sa usa ka scheme aron magpadala og mga testigo sa International Criminal Court.
Sa opening statement ni Atty. Nicholas Kaufman, legal counsel ni Duterte, sa confirmation of charges hearing niadtong Lunes, gibutyag ang transcript sa usa ka tawag sa telepono.
Gipasabot niini nga usa ka wala ginganlan nga indibidwal ang nagkontrol sa mga testigo.
Sa pagkakaron, gihulat ang tubag sa Malacañang Palace bahin sa maong akusasyon.
Sa pikas bahin, gibatikos sa Lead Counsel ni kanhi Presidente Rodrigo Duterte nga si Atty. Nicholas Kaufman si Presidente Ferdinand Marcos Jr. tungod sa giingong wala pagtuman sa iyang saad nga dili motabang sa ICC sa pag-aresto kang Duterte.
Sumala ni Kaufman, kabahin sa panan-aw sa depensa mao nga tinuyo nga wala miapil si Marcos Jr. sa kaso aron mapreserbar ang kabilin ni Duterte.
Nag-atubang si Duterte sa three counts of crimes against humanity tungod sa iyang madugong anti-narcotics campaign.
Sumala sa tala sa gobyerno, moabot sa 6,200 ang napatay sa operasyon, apan gisukod sa mga human rights organizations nga posibleng moabot kini sa 30,000.