Mipahayag og dako nga kabalaka si House of Representatives spokesperson Atty. Princess Abante sa plano sa Senado nga mobotar sa desisyon sa Korte Suprema nga nagdeklara nga unconstitutional ang impeachment complaint batok kang Bise Presidente Sara Duterte.
Kini nga kabalaka misangko human masayran nga posibleng mopadayon ang Senado sa botohan karong Agosto 6, bisan wala pa makompleto sa Kamara ang tanang legal nga pamaagi nga anaa pa sa ilang kapasidad.
Giinsistir ni Atty. Abante nga wala pa’y pinal nga desisyon ang Korte Suprema, ug nagplano pa ang Kamara nga mopasaka og motion for reconsideration isip usa ka institusyon nga gihatagan sa Konstitusyon og eksklusibong gahum sa paglusad og impeachment proceedings.
Gikatakda nga mopasaka ang Kamara sa ilang mosyon karong Lunes, Agosto 4, nga pagadumalahan sa Office of the Secretary General (OSG).
Tungod niini, nanawagan ang Kamara sa mga Senador nga ipakita ang pag-ila sa hustisya ug pasensiya, ug motuyok ang proseso sa hudikatura.
Matod ni Abante, bisan unsang premature nga aksyon sama sa plano nga botohan sa Senado sa SC ruling, mahimong pagsalikway sa proseso sa impeachment ug paglapas sa due process.
Labaw pa, posible kini nga makita isip political shortcut nga makapaluya sa constitutional nga papel sa Kamara.
Matud sa opisyal sa Kamara nga napadayon ang ilang komitment sa rule of law, ug ilang buhaton ang tanang legal nga pamaagi aron mapanalipdan ang ilang mandato ubos sa konstitusyon ug masiguro nga ang accountability dili mapapas.