- Advertisement -
Pormal nang giduso sa House Committee on Justice ang duha ka beripikadong impeachment complaint batok kang Pangulong Ferdinand Marcos Jr. human kini malakip sa Additional Reference of Business sa plenaryo niadtong Lunes sa gabii.
Ang unang reklamo gisumite ni Atty. Andre De Jesus ug gi-indorso ni Rep. Jernie Jett Nisay, samtang ang ikaduhang reklamo gikan sa mga progresibong grupo nga gi-indorso sa Makabayan bloc ug pormal nang gidawat sa Office of the Speaker.
Susihon sa komite kon adunay igong basehan ug kon husto ba ang porma sa mga reklamo subay sa Konstitusyon. Giklaro sa liderato sa Kamara nga ang referral timaan pa lamang sa pagsugod sa proseso ug wala pa nagpasabot og pinal nga desisyon.
- Advertisement -
- Advertisement -