Nakabsan sa kinabuhi ang Defense Minister sa Mali nga si Sadio Camara human sa usa ka giingong suicide truck bombing nga miigo sa iyang pinuy-anan sa Kati, duol sa kaulohang Bamako, dungan sa nagkaylap ug koordinadong nga mga pag-atake sa nagkalain-laing bahin sa nasud nga gituohang binuhatan sa mga militanteng grupo nga konektado sa al-Qaeda ug Islamic State.
Sumala sa mga taho, gawas sa opisyal, nakabsan usab sa kinabuhi ang pipila ka miyembro sa iyang pamilya ug mga sibilyan human nahugno ang iyang balay ug naapektuhan ang kasikbit nga mosque, samtang ang lider sa junta nga si Gen. Assimi Goïta dinalian usab nga gi-evacuate human gi-target ang iyang gipuy-an.
Gikumpirma sa state media nga nakigpinusilay pa si Camara sa mga umatake sa wala pa siya tuluyang nabawian sa kinabuhi sa ospital, samtang ang maong kagubot giingong naglakip usab sa separatistang Azawad Liberation Front ug ang gikatahong pag-atras sa mga Russian mercenaries (Wagner Group) gikan sa Kidal human ang pipila ka adlaw nga madugoong panagbangi.