Usa ka babaye arestado sa buy-bust operation human makuhaan og kapin P150-K nga gidudahang shabu sa Kalilangan, Bukidnon

Arestado ang usa ka babaye nga nailhan sa alyas nga “Ole” human sa gihimong buy-bust operation sa Purok 2, Brgy. Central Poblacion kagahapong adlawa, Abril 26, 2026, takna alas-9:35 sa gabii.

Ang maong operasyon gipahigayon sa Kalilangan MPS (isip lead unit) uban ang pakigbisog sa 2nd Bukidnon PMFC ug PIU Bukidnon.

Nasamsam gikan sa maong operasyon ang gibana-banaang 23.14 gramo sa gidudahang shabu nga adunay Standard Drug Price nga mukabat sa ₱157,352.

Lakip sa nakuha ang buy-bust item ug 14 pa ka mga sachet nga narekober gikan sa suspek.

Nakuha usab ang ₱500 nga buy-bust money, duha ka ₱50, ug usa ka pouch. Ang dinakpan nga suspek kasamtangang anaa sa kustodiya sa Kalilangan MPS alang sa tukmang disposisyon sa pagpasaka og kaso.