3 ka indibidwal nga nagpayuhot og illegal nga droga, sikop sa lungsod sa Talakag

Tulo ka indibidwal ang naaresto sa mga sakop sa Drug Enforcement Unit sa Talakag Municipal Police Station, ubos sa pagdumala ni PCPT Romeo M. Arcilla Jr., human sa gihimong buy-bust operation sa Purok 2, Barangay Sto. Niño, Talakag, Bukidnon niadtong Abril 26, 2026.

Ang mga dinakpan giila nga usa ka 36-anyos nga lalaki nga walay trabaho, usa ka 44-anyos nga construction worker, ug usa ka 44-anyos nga babaye nga mag-uuma, diin silang tanan pulos mga residente sa nasangpit nga lungsod.

Kini nga kalamposan nagpakita sa lig-on nga tinguha sa kapolisan sa pagpakusog sa kampanya batok sa ilegal nga droga aron masiguro ang kaluwasan ug seguridad sa tibuok komunidad.