Big-time rollback sa presyo sa produktong petrolyo, posibleng ipatuman sunod semana

Laumang ipatuman ang usa ka dakong pagkunhod sa presyo sa mga produkto sa petrolyo sunod semana, diin gibanabanaan nga mokunhod og ₱8.50 matag litro ang diesel, ₱11.00 sa kerosene, ug ₱0.40 sa gasolina base sa dagan sa trading sa world market sa unang upat ka adlaw sa semana.

Ang maong “big-time rollback” nagagumikan sa mga taho gikan sa Washington bahin sa nagpadayong negosasyon aron maablihan pag-usab ang Strait of Hormuz.

Bisan tuod mamahimo pa nga adunay gamay nga kausaban sa pinal nga presyo tungod sa nahabilin nga usa ka adlaw sa trading sa dili pa ipatuman ang adjustments sa mga oil companies.