Dakong hagit alang sa Gilas Pilipinas gumikan magsugod na ang first window sa 2027 FIBA World Cup Asian Qualifiers.
Kini tungod ang usa sa ilang mga star player nga si Kai Sotto, dili una malakip sa national basketball team.
Matud sa kampo sa 23-anyos nga si Sotto, nagpaalim pa kini sa ACL injury sa wala nga bahin sa tuhod niini.
Ang maong injury ni Sotto nakuha niini niadtong Enero ning tuiga samtang nagdula sa Japan, nga nagkinahanglan og siyam o hangtod sa usa ka tuig nga rehab.
Si Quentin Milora-Brown maoy mohulip ni Sotto, kansa moabot sa nasud sa dili pa magsugod ang pormal nga pagbansay sa Gilas karong Nobyembre 18.
Ang 37th-ranked Gilas Pilipinas modula sa Guam karong Nobyembre 28 ug ang dula sa Pilipinas ipahigayon karong Disyembre 1.