Gipasiugda ang padayon nga panag-uban tali sa Malaybalay City Water District ug PrimeWater aron matubag ang nagpadayon nga kakulang sa suplay sa tubig sa dakbayan.
Sa pakighinabi sa Bombo Radyo Malaybalay, gipadayag ni Engr. Nolito Binahon, General Manager sa Malaybalay City Water District, nga padayon ang paningkamot sa pagtuman sa mga kakulangon sa joint venture agreement. Kini tumong nga masolusyonan ang problema sa tubig nga dugay nang giatubang sa mga residente sa syudad.
Matod pa ni Binahon, kasamtangang nagapadayun ang notice of non-compliance sa Primewater, apan gibutyag kini nga padayon ang pakigkoordinar sa partner nga PrimeWater aron mapaayo ang serbisyo.
Lakip na niini ang pagpangita og mga pamaagi sa pagpalig-on sa sistema ug pagpaningkamot nga masuta ang mga buslot sa linya sa tubig.Gilauman nga pinaagi sa padayon nga kolaborasyon, mas mapalambo ang distribusyon ug kalidad sa tubig nga gikinahanglan niining syudad.