Iring naluwas human makasakay sulod sa makina sa 76-milyang biyahe

Naluwas ang usa ka bag-ong panganak nga iring human kini makit-an sulod sa engine compartment sa usa ka sakyanan nga mibyahe og halos 76 ka milya.

Matud sa City of Kerrville, nadiskobrehan sa empleyado sa Peterson Health ang kuting sa pag-abot niya sa trabaho.

Gituohang nakasakay kini gikan sa Rocksprings paingon sa Kerrville.

Gitangtang sa mga trabahante ang atubangang grille sa sakyanan aron makuha ang maong iring, nga daling gidala alang sa pagsusi sa kahimtang niini.