Inflation sa nasud posibleng moabot sa 5–6% karong 2026 —Ex-BSP official

Posibleng moabot sa 5 hangtod 6 % ang inflation sa nasud karong 2026 tungod sa mahal nga lana, kakuwang sa pagkaon, ug ang pagsaka sa pletehan ug suholan.

Sumala ni kanhi BSP Deputy Governor Diwa Guinigundo, delikado kini tungod sa walay hunong nga pagsaka sa presyo, imbes nga temporaryo lang. 

Gibanabana usab sa GlobalSource Partners nga posibleng mohinay ang gross domestic product (GDP) growth og 0.5–1.5 points gikan sa baseline nga 5% kon magpadayon ang maong krisis.

Isip solusyon, gipasiugdahan ni Guinigundo nga gikinahanglan ang pagsaka sa policy rate og 25 hangtod 50 basis points, uban ang klaro nga forward guidance gikan sa kagamhanan, aron masiguro nga magpabiling lig-on ang kredibilidad sa mga polisiya sa ekonomiya sa nasud.