Nagpadayon sa pagsaka ang ihap sa mga nakalapas sa election gun ban sa rehiyon 10 sumala pa sa tigpamaba sa Philippine National Police 10 nga si PMaj. Joann Navarro.
Atol sa pagkighinabi sa Bombo Radyo Malaybalay kang Navarro, gibutyag niini ang nagpadayon nga pagtaas sa mga indibidwal nga nakalapas sa election gun ban.
Sumala pa ni Navarro, nga atol sa ilang nagpadayon nga pagmonitor, nagkadaghan matud pa ang mga nakalapas sa election gun ban ning adlaw, Mayo 05, 2025, pasado alas 12 sa kaadlawon.
Dugang pa sa tigpamaba, gikan sa January 12 paingun ning adlawa, dunay  97 ka mga inidbidwal ang naaresto. Samtang, 19 ka mga armas sab ang nakumpiska ug 739 ka mga bala ang lakip nga nakuha.
Hinoon, ang maong mga dinakpan napasakahan na matud pa og kasong illegal possession of firearms.Ang pagpatuman sa election gun ban nag-amyenda sa Omnibus Election Code, nga nagdili sa bisan kinsang tawo nga magdala og armas o uban pang ginadili nga hinagiban gawas sa ilang pinuy-anan o bisan dapit sa negosyo atol sa panahon sa eleksyon, gawas og gitugutan sa Commission on Elections (COMELEC).Â