Nagtrending sa tibuok kalibutan ang makalisang apan katingalahang pasundayag sa 26-anyos nga si Wu Yufei ug sa iyang walo ka Unitree G1 humanoid robots sa America’s Got Talent (AGT) Season 21.
Sa usa ka bahin, ang mga robot naghatag og grabeng kahinam ug katingala tungod sa ilang seamless nga synchronization ug seryosong acrobatics sama sa somersaults nga walay sipyat samtang nagsayaw sa kantang “Abracadabra” ni Lady Gaga.
Apan sa pikas bahin, bisan unsa pa ka “genius” sa engineering sa maong butang, ang sayaw sa tawo nagpabilin gihapon nga mas lawom ug gamhanan tungod sa natural nga emosyon, kalag, ug kultura nga daling makatandog sa kasingkasing sa mga mian-aw—mga butang nga dili gayod daling masundog o mapulihan sa bisan unsang klase sa artificial intelligence.
Atol sa maong pasundayag, daghan ang nalingaw ug napa-wow ang mga judges tungod sa talagsaong matang sa pagsalmot sa mga robots sa usa ka kompetisyon.