Laumang ang dako usbaw sa presyo sa diesel apan adunay rollback sa gasolina sa mosunod nga semana tungod sa managlahing lihok sa presyo niini sa kamerkaduhan.
Base sa upat ka adlaw nga trading sa Mean of Platts Singapore (MOPS) ug sa dagan sa foreign exchange, gibana-bana nga mosaka ang presyo sa diesel og P4.00 hangtod P4.50 kada litro, samtang gilauman usab ang rollback sa gasolina nga anaa sa tunga-tunga sa P1.00 hangtod P1.50 kada litro.
Sumala sa usa ka tinubdan gikan sa industriya sa lana, ang pagsaka sa presyo sa diesel naapektuhan sa kabalaka sa suplay sa kalibutan human sa paghunong sa negosasyon alang sa peace deal ug sa bag-ong hulga sa Iran nga hingpit nga sirad-an ang Strait of Hormuz.
Nakadugang sab niini ang kahadlok nga basig moubos sa kritikal nga lebel ang global oil inventories kon magpadayon ang paspas nga paggamit sa mga reserba.