Giisip karon sa mga otoridad ang posibleng koneksyon sa giingong hulga sa Senado ug sa 18 ka indibidwal nga nagpailang kanhing bodyguards ni kanhing Zaldy Co, nga una nang gikonekta sa alegasyon sa kickback sa maanomalyang flood control projects.
Sumala kang acting Senate President Pro Tempore Sherwin Gatchalian, seryoso ang Senado sa bisan unsang hulga sa seguridad.
Matud ni Gatchalian nga gimanduan niya ang Office of the Senate Sergeant-at-Arms aron makig-coordinate sa lain-laing intelligence agencies para ma-verify ang impormasyon.
Tungod niini, gipahimutang sa heightened security status ang Senado sugod niadtong Hunyo 9.
Nagpatuman usab og duha ka adlaw nga remote work setup isip pag-amping.
Sumala sa impormasyon nga gikan sa National Bureau of Investigation (NBI), adunay posibilidad nga usa ka armadong grupo ang posibleng maghatag og kagubot sa Senado.
Apan gikuwestiyon kini ni Senador Alan Peter Cayetano, ilabi na ang timing niini, gumikan naa pay nakatakda nga hearing sa Senate Blue Ribbon Committee nga ilawom sa iyang paksyon.
Gipatin-aw usab sa acting Senate President nga wala naka-lockdown ang Senado, apan hugot gihapon ang seguridad samtang nagpadayon ang beripikasyon sa giingong hulga.
Samtang, gipasalig sa Office of the Senate Sergeant-at-Arms nga padayon ang ilang koordinasyon sa mga law enforcement agencies aron mapamatud-an ang tinuod sa hulga ug masiguro ang kaluwasan sulod sa Senado.