House Prosecution Panel, nangandam na alang sa oral arguments para sa 2/3 vote threshold

Gipangandaman na sa House prosecution panel ang ilang posisyon alang sa oral arguments may kalabotan sa 2/3 vote threshold sa nagpadayon nga impeachment trial batok kang Vice President Sara Duterte.

Kini human mangayo og opinyon ang Senate Impeachment Court gikan sa mga retiradong mahistrado sa Korte Suprema bahin sa hustong pag-compute sa duha ka tersiya sa tanang miyembro sa Senado, ilabina nga adunay mga senator-judge nga wala nakapartisipar sa proceedings.

Matud ni Atty. Hezekiah Joshua Montalan, Deputy Spokesperson sa House prosecution panel, gisusi na nila ang mga may kalabotan nga balaod ug jurisprudence nga ilang ipresentar sa oral arguments.