Nagpadayon ang mga kalihokan sa impeachment trial batok kang Vice President Sara Duterte diin sumala ni House Prosecutor ug Akbayan Representative Chel Diokno nga angay nga personal nga motambong ug motestigo ang Bise Presidente sa Senado aron ipatin-aw ang iyang mga pamahayag nga nahimong kabahin sa reklamong impeachment, ilabina ang mga alegasyong hulga batok kang Pangulong Ferdinand Marcos Jr., sa First Lady ug kang kanhi House Speaker Martin Romualdez.
Samtang, gibutyag ni House Prosecutor Leila de Lima nga kinahanglan tugotan sa impeachment court ang presentasyon sa tanang ebidensya batok sa Bise Presidente.
Dugang pa ni De Lima nga importante nga maipresentar ang tanang ebidensya aron matimbang pag-ayo sa impeachment court ang mga alegasyon ug mahibal-an sa publiko ang tinuod nga kahimtang sa kaso.