Gisiguro sa House Committee on Justice nga ang tanan impeachment complaint batok kang Vice President Sara Duterte pagahimoon og patas ug husto nga pagdungog, sama sa proseso nga gisunod sa duha ka impeachment complaint batok kang Pangulo Ferdinand “Bongbong” Marcos Jr.
Sumala ni Baguio City Representative Mauricio Domogan, Vice Chairman sa komite, tanang reklamo pagatan-awon sa detalye – gikan sa grounds for impeachment, porma, ug supporting evidence nga ipresenta sa mga mambabalaod nga nagsponsor sa complaint.
Sa pagkakaron, adunay tulo ka complaint nga gisumite batok sa Bise Presidente.
Matud ni Domogan nga kung lig-on ang porma ug substansiya sa mga reklamo, kini mo-uswag ngadto sa plenary level aron pagahukman.
Apan, kung walay igo nga basehan o ebidensya, ipahimutang lang kini ingon “not sufficient in form”, sama sa nahitabo sa duha ka complaint batok sa Presidente Marcos.
Gipasiugda usab sa komite nga ang tanan pagdungog mahimong open sa publiko, i-livestream ug i-cover sa media aron transparent ang proseso.
Dugnag pa ni Domogan nga tanang detalye sa deliberasyon makita sa publiko ug wala’y gitagong impormasyon.