Aktibo karong nakighisgot ang Department of Tourism (DOT) sa sikat nga P-pop group nga BINI aron himuon kining opisyal nga tourism ambassadors sa Pilipinas human sa ilang makasaysayanong pagpasundayag sa Coachella Music Festival niadtong Abril.
Sumala ni DOT Secretary Dita Angara-Mathay, wala pa makatubag ang maong grupo sa ilang tanyag tungod sa ka-busy niini sa pagbiyahe ug pagpangandam alang sa ilang SIGNALS World Tour 2026.
Bisan pa man niini, dako ang garbo sa ahensya, lakip na sa Kamara ug Senado nga nagpasa pa og mga resolusyon nga nag-ila sa BINI diin nga gilangkuban ni Aiah, Colet, Maloi, Gwen, Stacey, Mikha, Jhoanna, ug Sheena isip “Nation’s Girl Group” ug labing unang Filipino act nga nakatungtong sa usa sa labing dako nga music festival sa tibuok kalibutan kauban ang laing Pinay star nga si Sophia Laforteza sa KATSEYE.