Nag-viral karon sa social media ang grupo sa mga kalalakihang pulis sa Thailand human kini nag-undercover isip mga babayeng mananayaw aron lamang madakpan ang usa ka notarius nga drug pusher.
Giakalingawan sa mga netizens ang gipost nga hulagway sa Tha Luang Police Station sa Facebook, diin makita ang mga operatiba nga nagsulob pa og nagsidlak nga mga bisting pangsayaw human sa ilang malampusong operasyon.
Nasayran nga sa unom ka pulis nga anaa sa litrato, usa lang kanila ang tinuod nga babaye.
Gihimo sa mga otoridad ang maong talagsaong diskarte taliwala sa usa ka street festival aron dili makatunog ang suspek nga giilang si “Mekha Fa-wap-wap”.
Tungod sa kalit nga paglihok sa mga pulis, nakuha gikan sa posisyon ni Mekha ang 53 ka piraso sa methamphetamine pills o shabu, kapin 200 ka gagmayng plastic cellophane nga gamiton unta sa pagpamaligya, ug usa ka cellphone.