Gikumpirma sa Department of Foreign Affairs (DFA) nga wala pa sila makadawat og hangyo aron kanselahon o suspendihon ang pasaporte ni Senador Ronald dela Rosa taliwala sa isyu kabahin sa giingong arrest warrant gikan sa International Criminal Court o ICC.
Matud ni DFA spokesperson Analyn Ratonel, ubos sa New Philippine Passport Act, mahimo lamang kanselahon ang pasaporte base sa espesipiko nga mga rason nga gilatid sa balaod, ug wala nalakip niini ang simpleng pagpagawas og warrant gikan sa lokal o internasyonal nga korte.
Gipatin-aw usab sa DFA nga wala pay basehan aron repasohon ang passport status ni dela Rosa gumiakn wala pa sila makadawat og court order kalabot niini.
Apan, matud sa DFA, mahimo lamang kanselahon ang pasaporte kon adunay hold departure order gikan sa mga otoridad sa Pilipinas o kon ideklarang pugante sa korte ang naghupot niini.