House, giaprubahan ang 5 ka tuig nga termino sa barangay ug SK officials

Giaprubahan sa House of Representatives sa ikatulo ug katapusang pagbasa ang House Bill No. 10971 nga nagtumong sa pagpalugway sa termino sa mga barangay officials ug mga miyembro sa Sangguniang Kabataan o SK ngadto sa lima ka tuig, imbes sa kasamtangang tulo ka tuig.

Nakakuha ang maong sugyot og 211 ka boto nga pabor niini, 13 ka boto batok ug usa ka abstention.

Kung mahimong balaod, lima na ka tuig ang termino sa mga barangay ug SK officials, nga maglakip sa mga elected officials sa barangay ug mga opisyal sa SK.