Heath Jornales, nakab-ot ang dakong career milestone sa unang solo concert

Malampusong gipahigayon ni Heath Jornales ang iyang unang solo concert nga “Heath’s Time” niadtong Septiyembre 5 sa New Frontier Theater sa Quezon City, nga iyang giila isip usa sa iyang dagkong pangandoy isip performer.

Usa sa mga highlight sa maong pasundayag ang surprise appearance ni James Reid, nga nakig-duet kang Heath sa kantang “Randomantic.”

Nagpasalamat si Heath sa suporta sa iyang pamilya, mga higala ug fans, lakip ang iyang kanhing mga kauban sa “Pinoy Big Brother: Celebrity Collab Edition 2.0.”

Matud niini, usa ka dakong kalampusan alang kaniya ang pagkahimo sa iyang kaugalingong concert human sa dugay nang pagpangandoy nga makapahigayon niini.