Gilauman nga posibleng maabtan pa sa Pasko ang pagpagawas sa hatol sa impeachment trial ni Vice President Sara Duterte tungod sa mga proseso nga kinahanglan pang humanon sa Senate Impeachment Court.
Sumala kang Impeachment Court Spokesperson Atty. Reginald Tongol, hatagan pa ang depensa og 10 ka adlaw alang sa formal offer of evidence, samtang adunay laing 10 ka adlaw ang prosekusyon aron mosumiter og komento o pagsupak sa mga ebidensiya.
Mahimo usab nga mangayo ang prosekusyon og rebuttal witnesses, nga dugang pang makapalangan sa paglilitis, sa dili pa ang closing statements ug pagbotar sa mga senador-huwes.
Gipasabot ni Tongol nga magdepende sa mga senador-huwes kung magpagawas sila dayon og desisyon human sa closing statements o magtakda pa og laing adlaw alang sa paghukom.
Gimatngonan nga gilauman pang mahuman ang presentasyon sa mga testigo sa depensa sa Nobyembre 20, apan posible pa kining madugangan base sa pre-trial order nga gisumiter sa duha ka kampo.

