Gipadayag sa Senate Blue Ribbon Committee ang testimonya nga naglakip og bag-ong personalidad nga giingong nalambigit sa maanomalyang flood control projects atol sa pagdungog karung adlawa, Huwebes, Septiyembre 25.
Gipaila ni Senador Rodante Marcoleta si Orly Regala Guteza, usa ka kanhi sundalo ug empleyado ni Ako Bicol Representative Zaldy Co, nga mitestigo sa imbestigasyon. Matod pa niini, kaniadto siya nagserbisyo isip security consultant sa Ako Bicol ug nakita niini ang pagdala og “basura” o mga maleta nga puno og kuwarta ngadto sa balay nila Rep. Co ug kanhi House Speaker ug Leyte Representative Martin Romualdez.
Lakip usab sa iyang affidavit ang ngalan ni Benguet Representative Eric Yap. Nagpadayon ang pagdungog sa Senado aron tukion ang gilapdon sa kontrobersiya ug matino kung unsay gimbuhaton batok sa giingong nalambigit nga mga opisyal.