German YouTuber, nakabungkag og world record sa pinakapaspas nga pagsulbad sa Rubik’s Cube samtang nag-skydiving

Mi-ambak ang usa ka 23-anyos nga German YouTuber gikan sa usa ka abyon aron buk-on ang record nga pinakapaspas pagsulbad sa puzzle cube samtang nag-freefall.

Nakalata si Tom Kopke og Guinness World Record sa maong stunt nga gihimo niini.

Nasulbad ni Tom Kopke, alyas Tooleko diha sa Youtube, ang Rubik’s cube sa gipaspasong 23.333 segundos adiser mibukad ang iyang parachute sa kahanginan sa Mossel Bay, South Africa.

Nabuak niini ang kanhi record nga 28.25 segundos nga natala ni Australian Sam Sieracki niadtong tuig 2023.

Bugtong gikabalak-an lang ni Kopke nga mahulog ang cube samtang siya nag-free fall apan swerteng wala mahitabo kini.