Posibleng makabenepisyo ang Philipinas sa unang bahin sa $10-bilyon nga energy support initiative sa Japan alang sa Asia, taliwala sa nagkagrabeng krisis sa suplay sa lana.
Sumala kang Fumio Kishida, nga nagsilbing special envoy, apil ang Pilipinas sa mga unang makadawat og tabang ubos sa maong programa nga gitumong sa pagpalig-on sa energy supply sa rehiyon.
Sa iyang pagbisita sa Pilipinas gitunol ni Japanese envoy nga si Fumio Kishida ang suwat gikan kang Prime Minister Sanae Takaichi para kang President Ferdinand Marcos Jr. nga boot palig-onon sa Japan ang kooperasyon sa energy resiliency pinaagi sa Partnership on Wide Energy and Resources Resilience Asia.
Lakip sa gihisgutan sa ilang miting ang pagpalig-on sa kooperasyon sa liquefied natural gas (LNG) ug nuclear energy, ingon man ang pagpalapad sa mga proyekto ubos sa Asia Zero Emission Community, diin kapin sa 30 ka proyekto ang nagpadayon sa Pilipinas.
Gipasiugda sa gobyerno sa Pilipinas nga dako kaayo og papel ang pakigtambayayong sa Japan aron mapalig-on ang energy security, labi na nga nagpadayon ang kahuyang sa global supply chains tungod sa tensyon sa Middle East.