Gikumpirma ni Ombudsman Jesus Crispin “Boying” Remulla nga naaprobahan na sa Anti-Money Laundering Council (AMLC) ang ilang hangyo alang sa freeze order sa mga kabtangan ni kanhi House Speaker Martin Romualdez.
Sumala ni Remula, nadala na sa AMLC ang maong freeze order ngadto sa Court of Appeals.
Kahinumduman nga una nang gipahibalo sa AMLC nga nag-isyu sila og freeze order batok sa usa ka mambabalaod tungod sa giingong kalambigitan niini sa anomalya sa flood control projects.
Sakop sa freeze order ang daghang assets lakip ang 25 ka bank accounts, 10 ka insurance policies ug investment accounts nga nakapangalan sa maong mambabalaod.
Lakip usab sa gi-freeze ang duha ka bank accounts, pito ka property accounts ug real estate property nga nakarehistro ubos sa usa ka corporate entity.
Dugang pa ni Remulla, adunay unom ka kaso nga may kalabotan sa flood control scandal nga planong ipasaka sa umaabot nga semana.