Estados Unidos seryoso sa 50 porsyento nga taripang ipatuman sa India

Seryoso si US President Donald Trump sa pagpatuman sa dugang nga 25 porsyento nga taripa tungod sa pagpalit nila og lana gikan sa Russia. Tungod niini, adunay total nga 50 porsyento nga taripa nga ipatuman sa India nga mao ang kinatas ang taripa nga gipahamtang sa US.Epektibo ang maong rate sulod sa 21 ka adlaw o hangtod Agosto 27 base sa executive order.

Gitawag sa Indian Foreign Ministry nga dili patas ug dili makiangayon ang gipahamtang nga taripa ni Trump. Nagpahayag usab sila nga buhaton nila ang tanan aron maprotektahan ang ilang personal nga interes.