Dismayado karon ang pipila ka ekonomista kabahin sa gikaingong kakulang sa konkretong aksyon sa gobyerno taliwala sa emergency powers ni Presidente Ferdinand Marcos Jr.
Sa eksklusibong pakighinabi sa Bombo Radyo Malaybalay kang Ray Talimio Jr., Former Oro Chamber Economic Development Committee RDC-X, nga bisan pa sa gahom nga masuspinde o mapakunhod ang excise tax sa produktong petrolyo, gipadayag niini nga wala’y konkretong contingency measures ang gobyerno.
Sigon sa ekonomista, nga sa sulod sa 26 ka adlaw sukad misaka ang tensyon sa Middle East, limitado lamang ang tubag sa gobyerno ug wala pa’y klarong implementasyon sa konkretong mga lakang aron mapanalipdan ang nasud batok sa posibleng oil crisis.
Gihisgutan usab niini, nga balik-balik nga miluwat si Palace Press Officer USec. Claire Castro nga wala pa’y sa krisis ang Pilipinas, apan nakita sa ekonomista nga kulang ang preparasyon sa praktikal nga aspeto.
Duagng pa ni Talimio, nga usa sa pinakadakong kahuyang sa Pilipinas mao ang kakulang sa strategic petroleum reserves aron magamit sa panahon sa supply disruption.
Gipasabot usab sa eksperto, nga bisan pa og adunay ginahisgutan nga peace talks o diplomatikong solusyon sa internasyonal nga lebel, dili kini garantiya nga mawala gilayon ang negatibong epekto sa global oil supply chain.