Nagkampeon si Pinoy Olympian pole vaulter Ernest John “EJ” Obiena sa Asian Indoor Athletics Championships nga gipahigayon sa Tianjin, China niadtong Sabado, Pebrero 7, 2026.
Nalabwan ni Obiena ang 5.70 metros sa finals aron masiguro ang gold medal.
Ang Chinese nga si Li Chenyang nakakuha sa silver sa 5.60m, samtang si Chen Yang usab sa China nakadaog sa bronze sa 5.40m. Ang Thai nga si Patsapong Amsam-ang, kasagarang kontra ni Obiena sa SEA Games, natapos sa ika-upat nga pwesto sa 5.20m.
Malampuson nga nalukso ni Obiena ang 5.50m ug 5.70m, apan napakyas sa tanang tulo ka attempts sa 5.80m, nga unta mahimong iyang season-best.
Ang iyang Asian indoor record nga 5.93m, nga nga narekord duha ka tuig ang milabay, nagpabiling wala pa malabwan.
Ang kadaugan sa Tianjin nagpalig-on sa maayong pagsugod ni Obiena sa 2026, human niya makuha ang shared gold medal sa Cottbus, Germany, ug bronze medal sa Düsseldorf sa iyang mga kompetisyon sa Europa.