Ebola cases sa Congo, milapas na sa 10,000

Milapas na sa 10,000 ang kumpirmadong kaso sa Ebola outbreak sa Democratic Republic of Congo, diin mikabat sa 10,060 ang natakdan ug 4,887 ang namatay, sumala sa datos sa panglawas sa nasud niadtong Oktubre 27.

Gikan pa niadtong Mayo nagsugod ang outbreak nga gipahinabo sa Bundibugyo variant sa Ebola virus.

Mikaylap na kini sa 66 ka health zones sa walo ka probinsya sa Congo, samtang gitaho usab ang mga kaso sa Kenya ug Nigeria.

Mas naglisod ang mga awtoridad sa pagpugong sa pagkaylap sa sakit tungod sa armadong panagbangi, kalisod sa pagbiyahe ug sayop nga impormasyon bahin sa virus.

Wala pa usab maaprubahang bakuna o espesipikong tambal batok sa Bundibugyo variant.