AFP, andam motabang sa PNP sa intelligence gathering ug operasyon

Andam ang Armed Forces of the Philippines (AFP) nga motabang sa Philippine National Police (PNP) sa pagpahigayon sa intelligence gathering ug mga operasyon batok sa nagkalainlaing hulga sa seguridad, kon gikinahanglan ang ilang suporta.

Matud sa opisyal, ang PNP maoy nanguna sa pag-atubang sa maong mga isyu, apan motubag ang AFP sa hangyo sa kapulisan, lakip na sa mga operasyon diin gikinahanglan ang presensya sa militar.