Dul-an usa ka milyon ang gikatahong damyos sa sunog sa Kalilangan, Bukidnon

Dul-an usa ka milyon ka pesos ang gikatahong damyos human sa sunog nga miigo sa usa ka commercial building sa Purok-5, Central Poblacion, Kalilangan, Bukidnon, pasado alas 5 sa buntag, Oktubre 28, 2025.

Sumala ni SFO1 Rene Rubillos sa Bureau of Fire Protection (BFP)-Bukidnon, misaka pa sa ikalawang alarma ang kalayo ug halos 80% sa istruktura ang nalamoy sa kalayo sa pag-abot sa mga bombero. Gituohan nga hinimo sa light materials ang maong building, hinungdan sa paspas nga pagkadilaab niini.

Gideklarang fire out pasado alas 7:15 sa buntag. Gipahimangno karon sa BFP ang publiko nga unahon gyud ang pagtawag sa kabomberohan aron dali silang makatabang ug malikayan ang dakong kadaot sa umaabot nga mga insidente sa sunog.