Nasakmit sa kapulisan ang nagkalain-laing pakete sa ilegal nga sigarilyo sa managlahing operasyon nga gipahigayon sa Poblacion, Pangantucan, Bukidnon niadtong Hunyo 4, 2026.
Sa unang operasyon sa Everlasting Village, nasikop ang usa ka 36-anyos nga lalaki nga tindero ug nakumpiska ang 16 ka pakete sa sigarilyo nga nagkantidad og mukabat sa Php1,280.00.
Sa susamang adlaw, nagpahigayon usab og operasyon ang kapulisan sa Spring Village nga miresulta sa pagkasikop sa usa ka 30-anyos nga babaye nga tindera human nasakmit ang 21 ka pakete sa nagkalain-laing klase sa sigarilyo nga adunay kantidad nga Php1,680.00.
Tungod sa maong kalapasan, gipang-isyuhan og Citation Ticket ang duha ka suspetsado nga nagkantidad og Php2,500.00 matag usa gumikan ikatulo na kini nga higayon nga nakasupak sa balaod.
Ang mga nakumpiskar nga produkto ug ang mga naaresto nga indibidwal gidala ngadto sa Municipal Health Office alang sa tukmang disposisyon.