Gipahibalo ni Atty. Levito Baligod, ang abogado sa 18 ka mga nagpaila nga kanhi miyembro sa Philippine Marines, nga magsumite sila og mas kompleto ug detalyadong affidavit ngadto sa Senate Blue Ribbon Committee kalabot sa giingong anomaliya sa mga proyekto sa flood control.
Matud ni Baligod, adunay mga kanhi sundalo nga gipapirma sa National Bureau of Investigation sa ilang mga affidavit nga wala pa niini na-repaso, busa maghimo kini og tagsa-tagsa ka mas detalyadong dokumento.
Sa laing bahin, nanawagan si Senadora Imee Marcos nga ampingan ang seguridad sa mga testigo ug nagpahimangno kalabot sa hugot nga pagbanatay sa mga pag-cover up batok sa mismong krimen.
Samtang, gipasiugda ni Senadora Loren Legarda nga kinahanglang magpadayon gihapon ang trabaho ug ang mga pagdungog sa Senado taliwala sa nagpadayong tensyon sa liderato.
Nagpadayon ang imbestigasyon sa grupo nila Cayetano ug Gatchalian samtang gipaabot ang pagsumite sa dugang mga dokumento ug posibleng pag-usab sa mga naunang pamahayag.