Nadakpan sa kapulisan ang duha ka indibidwal nga giatubang ang kasong murder ug parricide sa managlahing operasyon sa Purok 4, Barangay Kibongkog, San Fernando, Bukidnon, alas-4:45 ug alas-5:20 sa hapon, Oktubre 30.
Giila ang mga dinakpan nga sila Edwardo S. Conquera, nga giatubang ang kasong murder, ug 46-anyos nga si Wilma Aclao Pobadora, alang sa kasong parricide.
Ang duha susamang gidakop pinaagi sa warrant of arrest nga walay girekomendang piyansa.
Samtang, nadakpan usab sa lahi nga operasyon sa kapulisan sa Purok 5, Barangay Lingating, Baungon, Bukidnon, si 52-anyos nga si Vicente L. Calope alyas Junior Llega, tungod sa kasong less serious physical injuries nga adunay girekomendar nga piyansa nga 10 mil pesos.
Ang tulo ka dinakpan anaa na sa kustodiya sa tagsa-tagsa nilang Municipal Police Station alang sa dokumentasyon ug hustong disposisyon.