Ang sikat nga komedyante nga si Gil Aducal Morales, mas nailhan isip Ate Gay, nagpabilin sa kritikal nga kahimtang human siya na-stroke niadtong Oktubre 29, nga nakapahinabog kadaot sa iyang utok.
Ang maong insidente nakadugang sa iyang nagkagrabe nga kahimtang sukad siya gidala sa emergency room sa Asian Hospital niadtong Oktubre 17.
Sa sinugdanan, si Ate Gay nakasinati og septic shock ug acute respiratory failure secondary to pneumonia, usa ka seryoso nga impeksyon nga nakaapekto sa iyang pagginhawa ug blood circulation.
Dugang pa, nadayagnos usab ang komedyante nga adunay mucoepidermoid squamous cell carcinoma, usa ka talagsaon nga matang sa cancer.
Sa usa ka pahayag nga gipagawas sa iyang pamilya niadtong Biyernes, Oktubre 30, 2026, gipamatud-an nga si Ate Gay kasamtangan pa nga anaa sa Intensive Care Unit (ICU).
“Gayunpaman, ipinaalam po sa amin ng kanyang mga doktor nitong Oct. 29 na nagkaroon siya ng pinsala sa kanang bahagi ng kanyang utak dahil sa stroke. Sa kasalukuyan, umaasa pa rin siya sa mga life-support machine upang masuportahan ang mahahalagang function ng kanyang katawan. Nananatili pong kritikal at guarded ang kanyang kondisyon,” saad sa pahayag.
Tungod sa nagkataas nga gasto sa pagtambal, subling nanawagan ang pamilya ni Ate Gay alang sa bisan unsang pinansyal nga tabang nga mahimong ikahatag.
Gisulayan na usab nila ang pagpangayo og giya gikan sa mga ahensya sa gobyerno, charities, ug mga pribadong indibidwal aron mapadayon ang pagpatambal sa komedyante.
“Humihingi rin po kami ng paumanhin dahil patuloy kaming lumalapit at humihingi ng tulong sa inyong lahat,” ani sa pahayag.
Ang pamilya ni Ate Gay mapasalamaton usab sa tanang nagpaabot sa ilang tabang, mga pag-ampo, ug suporta niining lisud nga panahon.
Ang kahimtang ni Ate Gay nagpahinumdom sa kalisud nga giatubang sa daghang mga Pilipino nga nanginahanglan og medikal nga tabang, ug ang importansya sa komunidad nga magtinabangay.