Duha ka lalaki ang nadakpan sa managlahing operasyon sa kapulisan sa Malaybalay City ug Lantapan, Bukidnon tungod sa ilegal nga droga ug pagpusta.
Nasikop ang 26-anyos nga lalaki sa buy-bust operation sa Barangay 7, Malaybalay City diin narekober ang 4.74 gramos nga gituohang shabu nga nagkantidad og ₱27,703.
Samtang, nadakpan pinaagi sa warrant of arrest si Romer Roa Gunayan, 27-anyos, sa Upper Barangay Songco, Lantapan tungod sa paglapas sa balaod batok sa ilegal nga pagpusta.
Anaa na sa kustodiya sa tagsa-tagsa ka estasyon sa kapulisan ang duha ka dinakpan alang sa hustong disposisyon.

