Duha ka indibidwal landing sa balay tambalanan sa natigayong aksidente sa Maramag, Bukidnon

Landing sa balay  tambalanan ang driver ug pasahero sa usa  Bao-bao sa natigayong aksidente  pasado alas 8:00 sa gabie niadtong  nakalabay nga adlaw  sa Sayre Highway, Purok 8, North Poblacion, Maramag, Bukidnon.

Ang mga biktima nailang si alyas Dodo, 52 anyos, nagmaneho sa Bao-bao ug pasahero niining si alyas Alen, 53 anyos  nga lalaki.

Nasayran sa imbestigasyon nga ang truck ug bao-bao subay sa susamang direksyon, ug ang truck nag-una sa bao-bao.

Giingong kusog matud pa ang dagan sa bao-bao, dihang kalit nga ni-menor ang truck hinungdan sa pagkabangga sa bao-bao.

Tungod niini, ang drayber ug pasahero sa Bao-bao nakaangkon og mga samad ug daling gidala sa rescue team ngadto sa Bukidnon Provincial Hospital alang sa medikal nga atensyon.