Gipasalig sa Philippine National Police (PNP) nga mahimong transparent ug mosunod sa tukmang proseso ang pagbalik sa nasud ni kanhi Ako Bicol Partylist Representative Zaldy Co.
Matud ni PNP Spokesperson PBGen. Randulf Tuano, sugod sa pag-abot ni Co sa airport hangtod sa pagpahigayon sa mga booking procedures—sama sa pagkuha og mugshots, fingerprints, ug medical examination—siguradoon sa kapulisan nga mahibaloan kini sa publiko ug agi sa legal nga pamaagi.
Samtang giangkon ni Department of Justice (DOJ) Secretary Fredderick Vida nga sa pagkakaron, wala pa sila’y gihuptan nga mga dokumento o lig-on nga ebidensya nga ikapakita sa publiko kalabot sa gikatahong pagdakop kang kanhi Ako Bicol Party-list Representative Zaldy Co
Dugang pa ni Vida, ang personal nga pagbiyahe niini ngadto sa nasud diin nahimutang ang maong mambababalaod aron makigtagbo sa mga taas nga opisyal didto, maoy usa sa lig-on nga timaan o basehan nga tinuod gayod nga anaa na sa mga kamot sa awtoridad ang kanhi magbabalaod.