Gipahugtan pa sa Department of Agriculture (DA) ang monitoring ug pagbantay sa mga proyekto nga farm-to-market road (FMR) sa tibuok nasud.
Tumong niini nga maseguro ang transparency, kalidad ug ang saktong implementasyon sa mga proyekto aron tinuoray nga makatabang sa mga mag-uuma ug mangingisda.
Matud pa sa report, sugod niadtong tuig 2021 hangtod 2025, moabot na sa kapin 4,000 ka mga proyekto ang gigahinan og kantidad nga P76.52 bilyon, diin 3,135 na niini ang hingpit nang nahuman.
Sa laing bahin, alang karong tuig 2026, naggahin ang gobyerno og P33 bilyon nga pundo aron itukod ang kapin sa 2,300 ka kilometro nga farm-to-market roads. Gilauman nga kini makatabang sa pagpaubos sa gasto sa produksyon ug pagpalig-on sa kalamboan sa mga hilit nga dapit