Pormal nga gipahayag sa Communist Party of the Philippines – North Central Mindanao Region (CPP-NCMR) ang pagkamatay sa ilang taas nga lider nga si Julia Cagadas-Lastimosa, alyas “Ka Rida,” kauban ang duha ug usa pa ka miyembro sa natigayong engkwentro sa Barangay Bakingking, lungsod sa Esperanza, Agusan del Sur niadtong Septyembre 12.
Sa gipagawas nga opisyal nga pahayag sa walhong grupo, gihisgutan niini ang pag-ila sa upat ka napatay nga gilangkuban ni Cagadas nga giingong kalihim sa NCMR sukad pa niadtong dekada ’80, Rocha Mae Bihag alyas “Maki,” Tiloy Basahon alyas “Doydoy” nga taga-Dakbayan sa Gingoog, ug Ringo Lindayo alyas “Kikoy.”
Gikumpirma sa maong grupo ang pagkamatay sa ilang mga sakop human sa serye sa pakig-engkwentro batok sa kasundalohan sa nasod sa maong dapit.