Buseco, nagpadayon sa pagpakunhod sa system loss ug pagpalapad sa serbisyo sa kuryente

Padayon ang Bukidnon Second Electric Cooperative (BUSECO) sa pagpakunhod sa system loss ug pagpalapad sa serbisyo sa kuryente ngadto sa mga hilit nga lugar sa Bukidnon, matud ni General Manager Christopher Dulfo.

Giklaro ni Dulfo nga ang sobra sa gitakdang system loss cap dili mahimong ipasa sa mga konsumidor, hinunoa abagaon kini sa electric cooperative aron mapanalipdan ang publiko batok sa dugang nga bayranan.

Samtang, gilakip usab sa mga plano sa kooperatiba ang paggamit sa solar power alang sa mga kwalipikadong lugar isip kabahin sa ilang programa sa elektripikasyon.