Misupak ang Malacañang sa pahayag ni Atty. Manases “Mans” Carpio nga daw gihimo lamang siyang collateral damage sa impeachment trial sa iyang asawa nga si Vice President Sara Duterte.
Sumala ni Malacañang Press Officer Undersecretary Claire Castro, gusto usab sa mga Pilipino nga mogawas ang kamatuoran ug angay imbestigahan ang bisan kinsa, lakip ang mga paryente ug kaalyado, kung adunay ebidensyang nagkonekta kanila sa giingong mga anomalya.
Sa ika-37 nga adlaw sa impeachment trial, gipresentar ni House Prosecution witness Atty. Alexander Cabrera ang iyang pag-analisa nga nagbanabana sa ₱817.87 milyon nga giingong wala maideklarang mga kabtangan ug kita nga nalambigit kang Duterte ug Carpio gikan sa 2022 hangtod 2025.
Ang maong kantidad kabahin sa mga alegasyon nga gisusi sa impeachment court.